Dari betawi mengukir diri

Salam Takzim

Sahabat dan pembaca batavusqu yang berbudaya

Bang doel nyang tetep setie ame kerjaannye

Dialek betawi yang khas dapet juge ente (sahabat) temuin di seputeran kampung babakan, nyang ga jauh dari rumeh aye (saya). dikampung enih ente bakal ngerasain suasane budaye orang beetawi, karne nih kampung masih banyak orang betawi lame nyang masih nongkrong di rumehnye dan masih tetep mempertahankan segale nilai nilai budaye.

Asal ente tahu aje, tahun 2004 lalu, ni kampung udeh dijadiin ame gubernur aye bang yos sebagai  Cagar Budaya Betawi. kenapa nih kampung dijadiin cagar budaya? selain nyang aye udeh ceritain diatas, nih masyarakat  masih mempertahankan gaye hidup nyang khas, seperti adat perkawinan, seni tari, musik ame nyang namenye ondel-ondel.

Di area wisate Kampung Setu Babakan masih  banyak lho nyang jual  makanan khas Betawi, seperti ketupat nyiksa, kerak telor, ketupat sayur, laksa, soto betawi, roti buaya, bir pletok, nasi uduk, kue apem, toge goreng, dan kesukaan aye dodol cine.

Eh Enggak cuman jajanan aje lho, nih kampung masih suke enggelar tontonan seni budaye Betawi, antara lain tari topeng, cokek, kosidahan, marawis, musik gambus, lenong betawi, tanjidor, gambang kromong, dan layar tancep kalu ade nyang ngawinin anaknye, kebayang nggak udik banget ye.

Tapi ntuh semue tetep aye suke, karne nih kampung aye bise bernapas dan dengan modal dialek betawi aye mengukir diri.

Sehabis mosting nyang nih aye mau mosting nyang enoh do’ain aye aje deh biar aye bise nyeritain dialek suku nyang ade di Indonesia

hehehe dengan tetep berharap bahwa nih postingan bukan untuk dipuji ato dihine tapi hanya ntuk dinikmati hehehe

Salam takzim Batavusqu

foto diambil dari sini